Gweithiwr Cymdeithasol / Gweithiwr Cymdeithasol Profiadol
37 awr yr wythnos - Carfanau Plant a Theuluoedd
Mae swyddi gwag yn y lleoliadau canlynol:
Dwyrain - Swyddfeydd Tŷ Catrin - Pontypridd
Gogledd - Prif Swyddfa Cwm Cynon - Aberdâr
De - Tŷ Elái, Trewiliam
Gorllewin - Tŷ Elái, Trewiliam
Gradd 11 (£41,511) Gweithiwr Cymdeithasol Lefel mynediad hyd at 3 blynedd o brofiad sydd wedi cofrestru gyda Gofal Cymdeithasol Cymru.
Gradd 12 (£44,711) Gweithiwr Cymdeithasol Profiadol ~ o leiaf 3 blynedd o brofiad ôl-gymhwysol sydd wedi cofrestru â Gofal Cymdeithasol Cymru.
Mae'r holl Weithwyr Cymdeithasol sy'n gweithio yn y carfanau yma'n gymwys i dderbyn atodiad y farchnad o £2,250. Mae hyn waeth beth fo hyd y profiad ôl-gymhwyso a chaiff ei adolygu ym mis Mai 2027. Bydd y taliad yma'n cael ei dalu ar sail pro rata bob mis.
Ymunwch â ni wrth i ni gychwyn ar gyfnod cyffrous o drawsnewid ein gwasanaeth.
Mae Cyngor Rhondda Cynon Taf yn falch o gynnig swyddi Gweithiwyr Cymdeithasol yn ein Carfanau Plant a Theuluoedd sydd newydd eu hailgyflunio. Rydyn ni hefyd yn croesawu ceisiadau gan fyfyrwyr blwyddyn olaf a fydd yn cymhwyso yn ddiweddarach eleni.
Ynglŷn â'r garfan
Rydyn ni'n chwilio am weithwyr cymdeithasol brwdfrydig, ymroddedig sydd â’r angerdd a’r awydd i wneud gwahaniaeth cadarnhaol i fywydau plant ac sy'n gallu helpu i gymell y rhwydweithiau o amgylch ein pobl ifainc i gyflawni safonau rhagorol o ofal a chymorth.
Mae ein Carfanau Plant a Theuluoedd yn arbenigo mewn cynllunio gofal ar gyfer plant sydd angen gofal a chymorth. Mae hyn yn cynnwys achosion sy'n destun cynllunio amddiffyn plant, Amlinelliad Cyfraith Gyhoeddus a'r Llys, yn ogystal â gwaith sy'n ymwneud â mabwysiadu. Mae gwasanaeth pwrpasol yn galluogi mwy o ffocws ar reoli risg er mwyn atal sefyllfaoedd rhag gwaethygu. Y nod cyffredinol yw lleihau’r angen am Amlinelliad Cyfraith Gyhoeddus, gwahanu plant a theuluoedd, ac achosion gofal.
Manteision o weithio i ni
Wrth weithio i Wasanaethau i Blant Rhondda Cynon Taf, bydd gyda chi fynediad at ystod eang o fuddion staff, yn ogystal ag ystod eang o gyfleoedd i ddysgu a datblygu. Rydyn ni'n blaenoriaethu lles ein hymarferwyr, gan ddarparu cymorth, llwythi gwaith hylaw, ac adnoddau sydd eu hangen arnyn nhw er mwyn ffynnu.
Ar hyn o bryd rydyn ni'n cyflwyno Model Ymarfer newydd ar draws y gwasanaeth. Mae'r model yma'n canolbwyntio ar berthnasoedd, mae'n gydweithredol ac yn seiliedig ar drawma. Mae hyn yn golygu y byddwch chi'n cael mynediad at becyn hyfforddi cynhwysfawr sy'n seiliedig ar dystiolaeth. Mae'r pecyn yn cynnwys hyfforddiant Cyfathrebu Cydweithredol - cefnogi staff i weithio mewn ffordd sy'n canolbwyntio ar ganlyniadau, gan annog sgyrsiau myfyriol a grymusol gyda phobl ifainc a'u teuluoedd. Mae hefyd yn cynnwys rhaglen hyfforddi fewnol bwrpasol wedi'i llywio gan drawma.
Mae buddion eraill yn cynnwys:
Dyma rai o’r buddion sydd gyda ni i’w cynnig. Edrychwch ar ein tudalennau gwe pwrpasol ar gyfer Gwasanaethau i Blant am ragor o wybodaeth ynghylch pam y dylech chi ddewis gyrfa ym maes Gwaith Cymdeithasol yn RhCT.
www.rctcbc.gov.uk/swyddigwasanaethauiblant
I gael rhagor o wybodaeth am y swydd yma neu i drefnu sgwrs anffurfiol, anfonwch e-bost at:
Rhiannon Davies, Rheolwr y Gwasanaeth
E-bost- Rhiannon.M.Davies@rctcbc.gov.uk
Myfyrwyr Gwaith Cymdeithasol Blwyddyn Olaf
Mae gan RCT hanes llwyddiannus a phrofedig o gefnogi nifer fawr o fyfyrwyr ar bob lefel. Mae myfyrwyr blwyddyn olaf sy'n llwyddiannus mewn cyfweliad yn cael cynnig y cyfle i gael eu cyflogi yn Rheolwyr Materion Asesu Gofal dros dro o'r cyfle cyntaf hyd nes bod eu cofrestriad wedi'i gwblhau. Yn ogystal â hynny, rydyn ni'n deall bod modd i'r cyfnod trosglwyddo o astudiaethau i gyflogaeth fod yn brysur, ac felly mae modd i'r oriau cyn dechrau swydd yn weithiwr cymwysedig fod yn hyblyg i weddu i anghenion yr unigolyn. Rhowch gynnig arni!
Gwybodaeth Ychwanegol
Os byddwch chi'n cyrraedd y rhestr fer ar gyfer cyfweliad, bydd raid ichi gadarnhau a ydych chi'n gwneud cais am swydd Gweithiwr Cymdeithasol (GR11) neu Weithiwr Cymdeithasol Profiadol (GR12) cyn y cyfweliad. Bydd disgwyl i'r rheiny sy'n ymgeisio am swydd Gweithiwr Cymdeithasol Profiadol fod yn barod i ddarparu tystiolaeth eu bod nhw wedi cofrestru gyda Gofal Cymdeithasol Cymru a 3 blynedd o brofiad ôl-gymhwyso ym maes gwaith cymdeithasol yn eu cyfweliad.
Mae diogelu plant ac oedolion agored i niwed yn gyfrifoldeb craidd i bob un o'r gweithwyr sy'n cael eu penodi gan y Cyngor.
Yn ogystal â'r cyfrifoldeb yma mewn perthynas â diogelu, bydd y Gwasanaeth Datgelu a Gwahardd hefyd yn ymchwilio'n fanwl i gefndir yr ymgeisydd llwyddiannus.
Mae'r Cyngor yn cydnabod gwerth amrywiaeth yn ei weithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaeth anneuaidd, crefydd neu gred neu feichiogrwydd neu famolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTC+.
Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.
Yn rhan o'i amcanion hirdymor mewn perthynas â'r Gymraeg a Strategaeth Cynllunio'r Gweithlu, mae'r Cyngor wedi ymrwymo i gynllun cyfweliad gwarantedig ar gyfer siaradwyr Cymraeg Lefel 3 ac uwch. Os ydych chi'n bodloni'r meini prawf hanfodol wedi'u nodi yn y fanyleb person ar gyfer y swydd ac yn siaradwr Cymraeg Lefel 3 ac uwch, fe'ch gwahoddir i gyfweliad os byddwch chi'n dewis cymryd rhan yn y cynllun.
Er mwyn cefnogi addewid gwirfoddol y Cyngor i gefnogi'r Lluoedd Arfog, rhaid i’r sawl sy'n penodi sicrhau bod ymgeiswyr sydd wedi datgan eu bod nhw'n aelodau o’r Lluoedd Arfog, gan gynnwys y rheiny sydd wedi gadael y lluoedd, cyn-filwyr neu filwyr wrth gefn sy’n cwrdd â'r meini prawf hanfodol yn y fanyleb person, yn cael cynnig cyfweliad.